अस्य उपनिषदस्य प्रथममन्त्र: 'केनेषितं पतति' इति अस्ति । अतएव इयम् उपनिषद: केनोपनिषद् इति नाम्ना अभिधीयते । अस्य उपनिषदस्य अपरं नाम 'तवलकारोपनिषद्' इत्यपि अस्ति ।
एष: सम्पूर्ण ग्रन्थ: चतुर्षु खण्डेषु विभक्…
केनोपनिषद्
प्रकाशनसमय:- May 17, 2012 at 08:05
अस्य उपनिषदस्य प्रथममन्त्र: 'केनेषितं पतति' इति अस्ति । अतएव इयम् उपनिषद: केनोपनिषद् इति नाम्ना अभिधीयते । अस्य उपनिषदस्य अपरं नाम 'तवलकारोपनिषद्' इत्यपि अस्ति ।
एष: सम्पूर्ण ग्रन्थ: चतुर्षु खण्डेषु विभक्त: अस्ति । प्रथम खण्डे उपास्य ब्रह्मन् एवं च निर्गुणब्रह्म मध्ये भेद:, द्वितीयखण्डे ब्रह्मण: रहस्यमयस्वरूपस्य संकेत:, तृतीये-चतुर्थे च खण्डे उमा-हैमवत्य: रोचकआख्यनमाध्यमेन परब्रह्मण: सर्वशक्तिमत्ता अथ च देवानाम् अल्पशक्तिमत्ताया: सुन्दरनिदर्शनम् अस्ति ।
इति
प्रमुखा: उपनिषद्ग्रन्था:
प्रकाशनसमय:- May 17, 2012 at 08:00
प्रमुखोपनिषत्सु यथा पूर्वमेवोक्तम् - आचार्यशंकरेण 10 उपनिषदानामुपि भाष्यं प्राप्यते, अथ च त्रयाणामुपनिषदानाम् उल्लेख: तेन आत्मन: भाष्ये कृतमस्ति । एवं विधा एते त्रयोदशग्रन्था: एव प्रमुखोपनिषत्सु गण्यन्ते । एताषाम् उपनिषदानां नामानि सन्ति - 1. ईशावास्योपनिषद्, 2. केनोपनिषद्, 3. कठोपनिषद्, 4. प्रश्नोपनिषद्, 5. मुण्डकोपनिषद्, 6. माण्डूक्योपनिषद्, 7. ऐतरेयोपनिषद्, 8. तैत्तिरीयोपनिषद्, 9. छान्दोग्योपनिषद्, 10. बृहदारण्यकोपनिषद् एताषामुपरि शंकराचार्यस्य भाष्यं प्राप्यते ।
11. श्वेताश्वतरोपनिषद्, 12. कौषीतकिउपनिषद्, 13. मैत्रायणी उपनिषद् एताषां त्रयाणां तेन उल्लेख: भाष्ये कृत: अस्ति ।
एताषाम् उपनिषदानाम् अतिरिक्तमपि काश्चन् उपनिषदा: प्रामुख्यं भजन्ते । एतासु 1. महानारायणोपनिषद् (याज्ञिक्युपनिषद्), 2. बाष्कलमन्त्रोपनिषद्, 3. आर्षेयोपनिषद् 4. शौनकोपनिषद् चादय: सन्ति ।
इति ।
ईशावास्योपनिषद्
प्रकाशनसमय:- May 17, 2012 at 07:41
उपनिषत्सु सर्वता प्राचीना, महत्वपूर्णाश्च अस्ति इयम् । यजुर्वेदस्य माध्यन्दिनिशाखाया: 40तम: अध्याय: ईशावास्योपनिषद् उत ईशोपनिषद् नाम्ना अभिधीयते । अस्य प्रथम: मन्त्र: 'ईशावास्यमिदं सर्वं' इति अस्ति; अस्य मन्त्रस्य प्राक् शब्दमाधृत्य अस्य उपनिषदस्य नामकरणं जातमस्ति अतएव अस्य नाम ईशावास्योपनिषद् इति अस्ति ।
अस्मिन् उपनिषदे केवलं 18 मन्त्रा: सन्ति । किन्तु एते 18 मन्त्रा: श्रीमद्भगवद्गीताया: 18 अध्यायसदृशं गौरवं वहन्ति । एतेषु 18 मन्त्रेषु कर्मोपासनाया: मार्मिक विवेचनम् अस्ति एवं च अद्वैतभावस्य सुस्पष्टवर्णनं कृतमस्ति । अत्र ब्रह्मण: स्वरूपविवेचनात् परं विद्या-अविद्या, तथा सम्भूति-असम्भूति विषयस्य विवेचनं प्राप्यते ।
एकस्मिन् मन्त्रे आत्महत्याया: विरोध:, तस्य दण्डविधानं च अस्ति ।
असुर्या नाम ते लोका, अन्धेन तमसावृता
तान्स्ते प्रेत्याभिगच्छन्ति ये के चात्महनो जना: ।।
समग्रउपनिषदे जीवनस्य सारतत्वं प्रकटितमस्ति । अतएव इदम् उपनिषदं सर्वाषु उपनिषत्सु सर्वप्रमुखं, सर्वप्राचीनं च मन्यन्ते ।
इति ।
उपनिषद् ग्रन्था:
प्रकाशनसमय:- May 15, 2012 at 07:53
यदिवेदवृक्षस्य ब्राह्मणग्रन्था: शाखा:,
आरण्यकग्रन्था: तासु शाखासु उत्पन्नानि पुष्पाणि सन्ति चेत् तेषां पुष्पाणां
सुगन्धि: तु निश्चयेन 'उपनिषद् ग्रन्था:' एव सन्ति । आशय: अस्ति यत् प्राचीनकाले
यत् बीजं ऋषिभि: आरण्यके वपितमासीत् तदेव उपनिषत्सु पुष्पितं पल्लवितं च
दृश्यते ।
वेदस्य अन्तिम: भाग: सन् एते ग्रन्था: 'वेदान्त' नाम्नापि अभिधीयन्ते ।
शंकराचार्यस्य दृष्टौ उपनिषदा: ब्रह्मविद्या: सन्ति । उपनिषद् शब्दस्योत्पत्ति: उप एवं च नि उपसर्गपूर्वकं सदलृ धातुना अभवत् । अत्र 'सदलृ' धातो: प्रयोग: - 1. विशरण, 2. गति: (ज्ञानं, प्राप्ति: वा), एवं च 3. अवशादन इति अर्थेषु अस्ति । एवं विधा उपनिषदस्य अभिप्राय: - अविद्याया: विशरणं (नाशनं), ब्रह्मविद्याया: प्राप्ति, एवं च सांसारिकदु:खानां शिथिलीकरणम् इति अस्ति । यद्यपि उपनिषदानां मुख्याभिप्राय: 'ब्रह्मविद्यया' एव अस्ति ।
एतासु उपनिषत्सु प्रमुखा: उपनिषदा: 10 सन्ति ।
''ईशकेनकठप्रश्नमुण्डमाण्डूक्यतित्तिर: ।
छान्दोग्य-ऐतरेयं च बृहदारण्यकं तथा ।।''
एताषामुपनिषदानामुपरि तु शंकराचार्यस्य भाष्यं प्राप्यते, किन्तु एतदिरिक्तमपि शंकराचार्येण श्वेताश्वतरोपनिषद्, कौशीतकिउपनिषद्, एवं च मैत्रायणीउपनिषदस्य वर्णनं कृतमस्ति । अतएव एते त्रयोदशग्रन्था: मुख्यउपनिषत्सु गण्यते ।
विषयवस्तु: - भारतीयदर्शनस्य बीजं यद्यपि ऋग्वेदादिष्वपि उपलभ्यते; परन्तु भारतीय-दर्शनस्य स्वरूपं पूर्णतया उपनिषत्सु एव प्राप्यते । उपनिषत्सु प्रमुखरूपेण ब्रह्मविद्याया: एव विवेचना अस्ति । ब्रह्म, आत्मा, माया, जगत्, पुनर्जन्म इत्यादय: उपनिषदानां प्रमुखा: प्रतिपाद्यविषया: सन्ति ।
उपर्युक्ततथ्यानाम् अतिरिक्तमपि उपनिषत्सु प्राणसिद्धान्त:, पुनर्जन्म,
विद्या-अविद्या, सम्भूति-असम्भूति: आदय: अपि विषया: वर्णिता: सन्ति ।
इति.......
श्री सरस्वतीस्तोत्रम्
प्रकाशनसमय:- May 14, 2012 at 22:59
देवीसरस्वती विद्याया: अधिष्ठात्रिदेवी अस्ति । एषा क्वचित् ब्रह्मण: पुत्री क्वचित् तस्य पत्नी इत्यपि कथ्यते । वैदिककाले एतस्या: आख्या नदीनाम्ना कृयते स्म । वैदिककालस्य सर्वाधिकी पवित्रनदी आसीत् एषा एव या अनन्तरं लुप्ता । सम्पूर्णे भारतीय साहित्ये अस्या: मुहुर्मुहु: प्रशंसा, प्रार्थना च कृतास्ति । एतस्या: कृते लौकिकसंस्कृतस्य सर्वाधिकी प्रसिद्धस्तुति: अध: प्रदीयते ।
या कुन्देन्दु तुषारहारधवला
या शुभ्रवस्त्रावृता ।।
या वीणावरदण्डमण्डितकरा
या श्वेतपद्मासना ।।
या ब्रह्माच्युतशंकरप्रभृतिभि:
देवै: सदावन्दिता ।।
सा मां पातु सरस्वती भगवती
नि:शेष जाड्यापहा ।।
शुक्लांब्रह्मविचारसारपरमा
माद्यां जगद्व्यापिनीं ।।
वीणापुस्तकधारिणीमभयदां
जाड्यान्धकारापहा ।।
हस्तेस्फटिकमालिकां विदधती
पद्मासने सन्थितां ।।
वन्दे तां परमेश्वरीं भगवतीं
बुद्धिप्रदां शारदाम् ।।
।। इति श्री सरस्वतीस्तोत्रं सम्पूर्णम् ।।
श्री पार्वतीपञ्चकस्तोत्रम्
प्रकाशनसमय:- May 9, 2012 at 21:59
श्री पार्वतीपञ्चकस्तोत्रम् एकं प्रसिद्धस्तोत्रमस्ति । अस्य स्तोत्रस्य माहात्म्यं बालानां कृते उत्तमवरप्राप्तिनिमित्तं भवति ।
धराधरेन्द्रनन्दिनी शशांकमौलिसंगिनी
सुरेशशक्तिवर्धिनी नितान्तकान्तकामिनी
निशाचरेन्द्रमर्दिनी त्रिशूलशूलधारिणी
मनोव्यथा विदारिणी शिवंतनोतु पार्वती ।।1 ।।
भुजंगतल्पशायिनी महोग्रकान्तभामिनी
प्रकाशपुंजदामिनी विचित्रचित्रकारिणी
प्रचण्डशत्रुधर्षिणी दयाप्रवाहवर्षिणी
सदा सुभाग्यदायिनी शिवं तनोतु पार्वती ।।2।।
प्रकृष्टसृष्टिकारिका प्रचण्डनृत्यनर्तिका
पिनाकपाणिधारिका गिरीशश्रृंगमालिका
समस्तभक्तपालिका पीयूषपूर्णवर्षिका
कुभाग्यरेखमार्जिका शिवं तनोतु पार्वती ।।3।।
तपश्चरीकुमारिका जगत्पराप्रहेलिका
विशुद्धभावसाधिका सुधासरित्प्रवाहिका
प्रयत्नपक्षपोषिका सदार्थिभावतोषिका
शनिग्रहादितर्जिका शिवं तनोतु पार्वती ।।4।।
शुभंकरी शिवंकरी विभाकरी निशाचरी
नभश्चरी धराचरी समस्तश्रृष्टिसंचरी
तमोहरी मनोहरी मृगांकमौलिसुन्दरी
सदोग्रतापसंचरी शिवं तनोतु पार्वती ।।5।।
पार्वतीपंचकं नित्यमधीते यत् कुमारिका
दुष्कृतं निखिलं हत्वा वरं प्राप्नोति सुन्दरम् ।।
।। इति श्रीपार्वतीपंचकस्तोत्रं सम्पूर्णम् ।।
श्री शिवताण्डव स्तोत्रम्
प्रकाशनसमय:- May 9, 2012 at 21:39
कथा - एकदा रावण: श्रीकैलाशपर्वतं प्रति गतवान् । मदोन्मत्त: स: कैलाशपर्वतम्
उत्थातुं प्रयत्नं कृतवान् । तस्य दुर्मति: दृष्ट्वा तस्य अभिमानापहर्तुं
भगवान् सदाशिव चन्द्रमौलि: स्वपादअंगुष्ठ: कैलासस्योपरि नोदितवान् । तेन
कैलाशपर्वतस्य भारं वर्धितं, रावण: कैलाशपर्वतम् उत्थातुं न शक्तवान् । यतोहि
तस्य द्वौपि बाहू कैलाशस्य अध: एव आस्ताम् अत: तस्य बाहू कैलाशस्य अध: एव
नुदितौ । सम्प्रति पीडाकारणात् रावण: चीत्कारं प्रारभत् । स: तत्रैव स्थित: सन्
भगवत: शूलपाणे: अर्चनाम् आरब्धवान् । तस्य अर्चनया प्रसन्न: भगवान् शिव: तम्
आत्मन: चन्द्रहासखड्ग: अपि दत्तवान् । तस्य एषा एव अर्चना कालान्तरे
शिवताण्डवस्तोत्रमिति नाम्ना प्रसिद्धं जातम् । एषा स्तुति: पंचचामर
छन्दे अस्ति ।
जटाटवीगलज्जलप्रवाहपावितस्थले, गलेऽवलम्ब्यलम्बितां
भुजङ्गतुङ्गमालिकाम्।
डमड्डमड्डमड्डमन्निनादवड्डमर्वयं, चकारचण्डताण्डवं तनोतु
नः शिवो शिवम् ॥१॥
जटाकटाहसंभ्रमभ्रमन्निलिंपनिर्झरी, विलोलवीचिवल्लरी
विराजमानमूर्धनि।
धगद्धगद्धगज्ज्वलल्ललाटपट्टपावके, किशोरचंद्रशेखरे रतिः
प्रतिक्षणं ममं ॥२॥
धराधरेंद्रनंदिनी विलासबन्धुबन्धुरस्फुरद्दिगंतसंतति प्रमोद
मानमानसे।
कृपाकटाक्षधोरणीनिरुद्धदुर्धरापदि क्वचिद्विगम्बरे मनोविनोदमेतु
वस्तुनि ॥३॥
जटाभुजंगपिंगलस्फुरत्फणामणिप्रभा-कदंबकुंकुमद्रवप्रलिप्तदिग्वधूमुखे।
मदांधसिंधुरस्फुरत्वगुत्तरीयमेदुरे
मनोविनोदद्भुतं बिंभर्तुभूतभर्तरि ॥४॥
सहस्रलोचनप्रभृत्यशेषलेखशेखर-प्रसूनधूलिधोरणी
विधूसरांघ्रिपीठभूः।
भुजंगराजमालयानिबद्धजाटजूटकः श्रियैचिरायजायतां
चकोरबंधुशेखरः ॥५॥
ललाटचत्वरज्वलद्धनंजयस्फुलिङ्गभा-निपीतपंचसायकंनमन्निलिंपनायकम्।
सुधामयूखलेखया
विराजमानशेखरं महाकपालिसंपदे शिरोजटालमस्तुनः ॥६॥
करालभालपट्टिकाधगद्धगद्धगज्ज्वलद्धनंजया
धरीकृतप्रचंडपंचसायके।
धराधरेंद्रनंदिनीकुचाग्रचित्रपत्रकप्रकल्पनैकशिल्पिनी
त्रिलोचनेरतिर्मम ॥७॥
नवीनमेघमंडलीनिरुद्धदुर्धरस्फुरत्कुहुनिशीथनीतमः
प्रबद्धबद्धकन्धरः।
निलिम्पनिर्झरीधरस्तनोतु कृत्तिसिंधुरः कलानिधानबंधुरः
श्रियं जगंद्धुरंधरः ॥८॥
प्रफुल्लनीलपंकजप्रपंचकालिमप्रभा-विडंबि कंठकंध रारुचि
प्रबंधकंधरम्।
स्मरच्छिदं पुरच्छिंद भवच्छिदं मखच्छिदं गजच्छिदांधकच्छिदं
तमंतकच्छिदं भजे ॥९॥
अखर्वसर्वमंगला कलाकदम्बमंजरी-रसप्रवाह माधुरी विजृंभणा
मधुव्रतम्।
स्मरांतकं पुरातकं भावंतकं मखांतकं गजांतकांधकांतकं तमंतकांतकं भजे
॥१०॥
जयत्वदभ्रविभ्रमभ्रमद्भुजंगमस्फुरद्धगद्धगद्विनिर्गमत्कराल भाल
हव्यवाट्।
धिमिद्धिमिद्धिमिध्वनन्मृदंगतुंगमंगलध्वनिक्रमप्रवर्तित: प्रचण्ड
ताण्डवः शिवः ॥११॥
दृषद्विचित्रतल्पयोर्भुजंगमौक्तिकमस्रजोर्गरिष्ठरत्नलोष्ठयोः
सुहृद्विपक्षपक्षयोः।
तृणारविंदचक्षुषोः प्रजामहीमहेन्द्रयोः समं प्रवर्तयन्मनः
कदा सदाशिवं भजे ॥१२॥
कदा निलिंपनिर्झरी निकुञ्जकोटरे वसन् विमुक्तदुर्मतिः सदा शिरःस्थमंजलिं
वहन्।
विमुक्तलोललोचनो ललामभाललग्नकः शिवेति मंत्रमुच्चरन् कदा सुखी
भवाम्यहम् ॥१३॥
निलिम्प नाथनागरी कदम्ब मौलमल्लिका-निगुम्फनिर्भक्षरन्म
धूष्णिकामनोहरः।
तनोतु नो मनोमुदं विनोदिनींमहनिशं परिश्रय परं पदं तदंगजत्विषां
चयः ॥१४॥
प्रचण्ड वाडवानल प्रभाशुभप्रचारणी महाष्टसिद्धिकामिनी जनावहूत
जल्पना।
विमुक्त वाम लोचनो विवाहकालिकध्वनिः शिवेति मन्त्रभूषगो जगज्जयाय
जायताम् ॥१५॥
इमं हि नित्यमेव मुक्तमुक्तमोत्तम स्तवं पठन्स्मरन् ब्रुवन्नरो विशुद्धमेति
संततम्।
हरे गुरौ सुभक्तिमाशु याति नान्यथागतिं विमोहनं हि देहनां सुशंकरस्य
चिंतनम् ॥१६॥
पूजाऽवसानसमये दशवक्रत्रगीतं यः शम्भूपूजनपरम् पठति प्रदोषे ।
तस्य
स्थिरां रथगजेंद्रतुरंगयुक्तां लक्ष्मी सदैव सुमुखीं प्रददाति शम्भुः ॥१७॥
॥ इति शिव ताण्डव स्तोत्रं संपूर्णम् ॥
संस्कृतजगत्
प्रकाशनसमय:- May 9, 2012 at 03:22
संस्कृतजगत् एका सक्रियसंस्था अस्ति
। अस्या: कार्यं केवलं संस्कृतभाषाया: प्रचार-प्रसारकार्यम् अस्ति । अस्या:
कार्यकर्तार: नि:स्वार्थभावेन निर्मूल्येन सहयोगं दीयन्ते । संस्कृतसम्बन्धि
कस्या: अपि समस्याया: समाधानार्थं सम्पर्क: कर्तुं शक्यन्ते । संस्कृतजगता
सम्पादितानां कार्यानां किमपि शुल्कं देयं न भवति । मूल्यं तेषामेव वस्तूनां
देयमस्ति येषां कृते संस्कृतजगत् अन्यान् जनान् सम्पर्कयति, तेषां जनानां सहयोगं
च स्वीकरोति । संस्कृतजगत: (संस्कृतजगत् ईपत्रिका) ईपत्रिका:
अपि प्रकाश्यते । एषा पत्रिका त्रैमासिकी प्रकाश्यते । अस्यां पत्रिकायां
कश्चिदपि आत्मन: संस्कृतलेखान् प्रकाशयितुं शक्यते । संस्कृतजगतपत्रिकायाम्
आत्मन: लेखान् प्रकाशयितुं लेखान् pramukh@sanskritjagat.com ईपत्रे प्रेषयेत् ।
संस्कृतजगत: स्थापना संस्कृतभारतीसंस्थाया: एक: सक्रियकार्यकर्ता मान्य: श्रीविवेकानन्द: (आनन्द पाण्डेय:) इति अस्ति । अस्या: संस्थाया: प्रेरकेषु फैजाबाद, उत्तरप्रदेशस्य मान्य: कवि: श्री अनिरुद्धमुनिपाण्डेय: 'आर्त' वर्य:,संस्कृतभारत्य: संस्थापक: आदरणीय: श्रीचमूकृष्णशास्त्रिवर्य: एवं च अन्ये महानुभावा: ये संस्कृतकार्यं वहन्त: सन्ति ते एव । अस्या: संस्थाया: स्थापना अगस्तमासे 03 दिनांके 2010 वर्षे ख्रीस्ताब्दे जातासीत् । सम्प्रति संस्कृतजगत् जालसूच्या: (ब्लाग) पाठकानां संख्या 45000त: अपि अधिकमस्ति । संस्कृतजगत् ईपत्रिकाया: पाठका: 500त: अधिका: अभवन् । लेखप्रेषका: अपि शताधिका: सन्ति ।
अस्माकं मुख्यकार्याणि
वयं सक्रियसंस्कृतलेखा: (Online Posts) प्रकाशयाम: । अन्येषां संस्कृतविदुषां संस्कृतग्रन्था: संस्कृतजगति निर्मूल्येन प्रकाशयाम: । संस्कृतगीतानि, ग्रथनानि (Files) च प्रकाशयाम: । नि:शुल्कं संस्कृतप्रशिक्षणं प्रददाम: । न्यूनमूल्येन संस्कृतग्रन्थानां सक्रियशिक्षा: (Online Tution) प्रददाम: । न्यूनमूल्येन एव संस्कृतग्रन्थानां तलपूर्ति: (Downloading) प्रददाम: । संस्कृत-गतिविधय: सम्पादयाम: ।
संस्कृतजगत:
फेसबुकपृष्ठम्
संस्कृतजगत:
ट्विटरपृष्ठम्
संस्कृतजगत:
जालसूचिका (ब्लाग)
संस्कृतजगत:
जालपृष्ठम्
संस्कृतजगत्
ईपत्रिका तलपूर्ति श्रृंखला
इत्युक्ते संस्कृताय एव अस्माकं जीवनम् । यदि भवन्त: अपि संस्कृतजगत:
कार्यकर्ता भवितुं इच्छन्ति चेत् pramukh@sanskritjagat.com /
pramukh@sanskritjagat.co.in ईपत्रे लिखतु । सदस्यतां विना एव संस्कृतस्य सेवां
कर्तुमिच्छन्ति चेदपि उपर्युक्ते ईपत्रे लिखन्तु ।
धन्यवादा:
गूगल ड्राइव - ईमंजूषा ।
प्रकाशनसमय:- May 8, 2012 at 08:46
गूगल ड्राइव गूगल.काम इत्यस्य जालपृष्ठस्य नूतनी मंजूषा सेवा अस्ति । गूगल.काम इत्येतस्मिन् विषये तु सम्भवत: कमपि किमपि वक्तुं नैवास्ति । गूगल.काम एकम् ईअन्वेषणयन्त्रमस्ति । अस्य मुख्यकार्यं जालजगति विषयविशिष्टाधारेण जालपृष्ठानाम् अन्वेषणमस्ति । यथा - कश्चित् संस्कृतविषयम् अधिकृत्य किमपि अन्वेषयति । स: गूगलअन्वेषणयन्त्रस्य अन्वेषणमंजूषायाम् आत्मन: विषय: पूरयेत् । प्रवेश पिंजस्य नोदनानन्तरं संस्कृतविषयम् अधिकृत्य शताधिकश्रृंखला: प्राप्यते । ता: श्रृंखला: संस्कृतस्य विभिन्नविषयान् वहन्त्य: भवन्ति । तासु श्रृंखलासु या श्रृंखला भवत: कार्यस्य अस्ति तां श्रृंखलां नोदयेत् ।
गूगल.काम इत्यस्य अन्यानि अपि पृष्ठानि सन्ति । गूगल स्य एव ईपत्रसेवा अस्ति जीमेल.काम इति । अत्र भवन्त: आत्मन: ईसंकेत: निर्मूल्येन एव पंजीकर्तुं शक्नुवन्ति ।
ब्लागर अपि गूगलस्य एव सुविधा अस्ति येन माध्यमेन भवान् आत्मन: विचाराणां कृते एकां जालसूचिकां निर्मूल्येन एव प्राप्नोति ।
डाक्यूमेन्ट गूगलपृष्ठस्य सा सुविधा अस्ति येन माध्यमेन भवान् आत्मन: ग्रथनानि अन्यान् प्रति प्रेषितुं, स्वीकर्तुं च शक्नोति । सम्प्रति एतस्या: एव सेवाया: विस्तारं कृत्वा गूगलपृष्ठेन गूगल ड्राइव इति नामकस्य सेवाया: विस्तारं कृतमस्ति ।
गूगलड्राइव मध्ये सम्प्रति भवन्त: 5 जी.बी. इत्यस्य नि:शुल्क स्मृति: प्राप्नुवन्ति । एतत् इतोपि वर्धितुं शक्यमस्ति मूल्येन ।
यथा जालजगति बहूनि पृष्ठानि मंजूषाया: सेवां ददति तथैव गूगलड्राइव अपि अस्ति यत्र भवन्त: आत्मन: ग्रथनानि, मृदुवसनानि, गीतानि, चित्राणि इत्यादीनि बहूनि वस्तूनि संरक्षितुं शक्नोति, सहैव तेषाम् सरलतया आवंटनमपि कर्तुं शक्नोति ।
गूगल ड्राइव मृदुवसनं तलपूरितुमपि शक्यमस्ति । अनेन माध्यमेन भवान् आत्मन: ग्रथनादीनि साक्षात् संगणकत: एव उर्ध्वपूर्तिं कर्तुं शक्नुवन्ति । एतत् मृदुवसनम् इत: तलपूरितुं शक्यमस्ति ।
जालजगति पूर्वमेव मीडियाफायर, ओपनड्राइव इत्यादिमंजूषा: सन्ति । गूगल.काम इत्यस्य एषा नूतनी मंजूषा जालजगत: ईमंजूषा क्षेत्रे नूतनीक्रान्तिं कर्तुं शक्नोति ।
इति ....
सामवेदस्य आरण्यकग्रन्था:
प्रकाशनसमय:- May 1, 2012 at 02:46
सामवेदस्य आरण्यकग्रन्था: - सामवेदीय आरण्यकग्रन्थानां संक्षिप्तविवरणम् अध: प्रदीयते ।
1. तवलकार (जैमिनीयोपनिषद्) आरण्यकम् - इदं 4 अध्यायेषु विभक्तमस्ति । अध्यायानां विभाजनम् अनुवाकेषु कृतमस्ति । अस्मिन् आरण्यके अतिमानवीयशक्तीनां वर्णनं प्राप्यते ।
2. छान्दोग्यारण्यकम् - अस्य परिचय: अज्ञातमस्ति ।
अथर्ववेदस्य तु नैकमपि आरण्यकग्रन्था: प्राप्यन्ते ।
इति .....
My Website
Customizing your website is easy. Just login and point your mouse at any content block on the page and an editor will come up allowing you to change or delete it.
To add more content, change your theme, or access other features, explore the toolbar at the top of the page.